A cita terá lugar este domingo nun recinto pechado para evitar as inclemencias meteorolóxicas. A cacheira servirase como manda a tradición: cocida e troceada, con acompañamento de chourizo e grelos a un prezo de 10 euros. O pregón terá lugar ás 13:30 horas e correrá a cargo de Lito, o cantante de Orquestra Panorama. O concelleiro de cultura, José Angel Cerezo explica que esta cita supón volver xa completamente á normalidade, logo de que as edicións anteriores estiveran marcadas pola pandemia.
O Concello de Pazos de Borbén celebra este domingo a XXII Festa da Cacheira, a cita gastronómica máis popular do municipio e unha das festas culinarias máis consolidadas do inverno en toda a provincia.
As celebración desenvolveranse no pavillón municipal de deportes e o programa arrancará ás 12 do mediodía coa actuación da charanga Os Charamujas e o desfile da comparsa de entroido dos veciños da parroquia de Cepeda. Ás 13 horas terá lugar o tradicional pregón, que este ano correrá a cargo de Lito, o cantante e director de Orquestra Panorama.
O xantar estará amenizado polo grupo local de música tradicional Ardelle ou Eixo. Para completar o ambiente familiar da celebración tamén se habilitará unha zona infantil con atraccións inchables. Como en anteriores edicións, o prato poderase degustar no recinto da festa ou levarlo para consumir en casa. O prato completo ten un custo de 10 euros e tamén se ofrecerán racións de churrasco.
A “cacheira” ou “cachucha” servirase como manda a tradición: cocida e troceada, con acompañamento de chourizo e grelos. Está previsto servir unhas 3.000 racións, polo que serán necesarios máis de 1000 quilos de cabeza de porco, 900 de grelos e 250 de chourizo.
Xuntanza dous pensionistas
Como inicio dos festexos da Cacheira, o Concello celebra este sábado pola tarde a cuarta edición da Xuntanza do Pensionista. Unha tarde dedicada aos maiores da casa e os xogos familiares tradicionais como a brisca, o tute e o dominou. As primeiras partidas comezarán a partir do cinco da tarde.
