Hoxe é Martes 19 de Marzo de 2024
Stations
NOTHING FOUND!
Current listeners: 
Peak listeners: 

O Campo de Fútbol de Chapela pasa a ser municipal

CampoChapela

A Comunidade de Montes de Chapela cede o campo de fútbol ao Concello de Redondela para asegurar ao Chapela C.F. o seu uso gratuito e mantemento.

A alcaldesa, Digna Rivas, vén de asinar un documento de compromiso coa entidade Chapela C. F. para garantir o mantemento e uso gratuito das instalacións do Campo de Fútbol de Chapela por parte dos máis de 200 socios e socias que ten o club repartidos en equipos de tódalas categorías. Segundo Rivas a intención é “cumprir co compromiso que tiña este goberno cos deportistas redondeláns. A nosa intención é garantir unha mellora das instalacións á vez que ceder o uso do espazo de forma gratuita para o goce dos veciños e veciñas de Chapela e das parroquias próximas”.

A Comunidade de Montes de Chapela, onde se ubica o campo, acordou a cesión gratuita dos terrenos, requisito indispensable para a execución das obras de mantemento. O Concello de Redondela investirá 300.000 no proxecto de mellora do campo de fútbol, comezando pola substitución do céspede artificial por un novo, xa que este atópase en moi malas condicións. A rexidora explicaba que “O Chapela C. F. levaba dous anos reivindicando axudas e melloras para o campo, pero non podiamos actuar ata ter a cesión dos terreos. Agora que son da nosa propiedade investiremos o que sexa necesario para aumentar a calidade da experiencia da veciñanza”.

A rexidora local asinou o documento xunto co representante do club José Benito Hermida González, no que acordou permitir gratuitamente á entidade Chapela C.F o uso das instalacións emprazadas nas parcelas cedidas pola Comunidade de Montes Veciñais en Man Común de Chapela. Entre as instalacións cóntase o almacén, as oficinas, o ximnasio, ou os vestiarios. Ademais, O Chapela C.F terá prioridade nos horarios de entrenamentos, torneos e partidos para todas as súas categorías, non puidendo compartir ó mesmo tempo o campo con ningún outro club de fútbol.

Neste campo celébranse torneos anuais de gran importancia, para os que veñen clubs de distintos municipios. A súa adquisición é moi significativa para o concello e a alcaldesa non se olvida de agradecer “á Comunidade de Montes de Chapela a cesión dos terreos, o traballo e tempo invertido en facer posible que este concello dispoña do seu terceiro campo de fútbol público, xunto co Campo do Choco e o Campo de A Gándara (O Viso)”.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará