Hoxe é Xoves 29 de Setembro de 2022
Stations
NOTHING FOUND!
Current listeners: 
Peak listeners: 

Aberta a poxa pola uva do Castelo de Soutomaior

Viñedos Soutomaior

Estímase que a colleita será de 12 toneladas, case 5 menos que o ano pasado. O prezo de saída é de 1,25 euros o quilo de uva albariña.

A Deputación de Pontevedra anunciou a poxa para a colleita de uva albariña e outras variedades brancas da leira do Castelo de Soutomaior. Esta emblemática finca, propiedade da institución provincial, conta cunha explotación vitivinícola desde o ano 1984 que ocupa unha superficie de máis de catro hectáreas. As empresas interesadas poden presentar as súas ofertas ata o vindeiro 24 de agosto. A adega adxudicataria levará a cabo a vendima na mesma veiga do castelo e encárgase tamén do traslado da uva. O único criterio de adxudicación que se ten en conta é a poxa máis alta, partindo dun prezo mínimo establecido. Este ano, a poxa da Deputación iníciase cun tipo de saída de 1,25 euros por quilo de uva albariña e de 0,95 euros para as outras variedades brancas (IVE incluído).

Prevese que a colleita será máis pequena ca do ano pasado. Calcúlase que pode alcanzar os 12.000 quilos de uva entre albariño e variedades, case 5.000 quilos menos dos recollidos no 2021 (16.800 quilos), pero por enriba dos 11.024 quilos de 2020. Con todo, as cifras están moi lonxe da marca de máis de 23.000 quilos acadada en 2013.

A uva do castelo é autóctona, na súa maioría albariño, pero tamén hai outras variedades tanto brancas (godello, torrontés, loureiro e treixadura) como tintas (mencía e sousón).

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará