Na Terceira división do Futbol Sala o Campito non foi quen de facerse cos puntos en xogo nesta fin de semana e caía ante o Beade. Mellor sorte para Redondela Maramar e Pazos de Borbén que suman os seus partidos por vitorias e que se enfrontarán na vindeira fin de semana dende os postos altos da Preferente Sur.
Campito 2-4 Beade
Situación periogosa para o campito na terceira división. Logo de perder ante o Beade sitúanse terceiros pola cola. Na vindeira semana desprázanse ao campo do Carballiño situados na parte media da táboa.
Redondela Maramar 6-2 Teis
As Neves 8-4 Arealonga
UD Coles 3-7 Pazos F.S.
O equipo de Pazos volveu amosar esta fin de semana que son líderes indiscutibles da categoría cunha vitoria por 3-7 ante o Unión Deportiva Coles. Coa confianza que da o liderado tentarán afianzarse nesa posición ante outro dos equipos fortes da categoría, o Redondela Maramar, segundos da táboa e que veñen de amosar tamén nesta fin de semana o seu bo estado de forma tras vencer por 6-2 ao Teis.
Ambos os dous equipos enfrontaranse o vindeiro domingo día 10 nun encontro no que o Pazos serán os anfitrións.
Peor lle foron as cousas ao equipo de Chapela. O Arelaonga caía ante As Neves nun partido que rematou co resultado de 8-4 e que deixa aos de Chapela na decimocuarta posición. Tentarán facerse cos puntos en xogo no encontro da vindeira semana candao reciben na casa ao Quinta de Tui.
