Hoxe é Mércores 18 de Maio de 2022
Stations
NOTHING FOUND!
Current listeners: 
Peak listeners: 

A Festa da Ostra busca recuperar os niveis de vendas e visitantes previos á pandemia

festa ostra

A cita gastronómica desenvolverase na vindeira fin de semana no Peirao de Arcade. É a XXXIV edición dun evento que confía en reunir uns 30.000 asistentes e vender 100.000 unidades de ostras logo de dous anos de parón polo Covid. Dende o Concello queren que esta celebración sexa tamén unha homenaxe aos hostaleiros “sector que tan mal o pasou estes dous anos” e apuntan como un dos actos destacados do programa a lectura do pregón o domingo ás 12:00 horas a cargo do cociñeiro local, Paco Corral.

Agustín Reguera, alcalde de Soutomaior

Declarada Festa de Interese Turístico no ano 2002, a Festa dá Ostra de Arcade supón unha das citas gastronómicas do ano en Galicia e recibe miles de visitantes. Como vén sendo tradicional o recinto da festa instalarase no aparcadoiro do Peirao de Arcade. Os prezos establecidos para esta edición son de 10 euros para a ducia de moluscos ao natural e de 7 euros para as racións de empanada. Ademais, como acompañamento poderanse adquirir botellas de viño albariño procedente das tres adegas do municipio.

Durante a presentación, o alcalde de Soutomaior, Agustín Reguera, explicou a importancia desta festa para o Concello, especialmente tras a suspensión das dúas últimas edicións por motivos sanitarios. “Desde o punto de vista turístico e gastronómico, esta festa dálle a Arcade unha proxección internacional incalculable. É un gran impulso para a economía local xa que supón un gran pico de actividade para os máis de 15 establecementos hostaleiros que participan na celebración, ofertando diferentes preparacións da ostra e ampliando o abanico de posibilidades gastronómicas para todos os visitantes”.

Reguera explicou que unha das novidades desta edición é a ausencia total de plásticos, xa que todo o material usado será respectuoso co medio ambiente con vasos, pratos e cubertos, 100% biodegradable e procedente de fontes responsables, neste caso de cana de azucre

Programa

As celebración arrincarán ou venres coa verbena a cargo do grupo América ás 23:00 horas. O sábado 2 as casetas abrirán as súas portas a partir do once do mediodía para atender aos primeiros visitantes que gozarán da animación musical dunha clásica charanga. Xa pola noite, celebrarase a tradicional verbena nocturna con dúas orquestras, Satélites e Marbella. Ademais, á medianoite, terá lugar a clásica tirada de fogos artificiais desde a praia do Peirao de Arcade.

O domingo 3, día grande dos festexos, as casetas de venda abrirán as súas portas a partir das 11:00 horas e ás 13:00 horas, terá lugar a soada Lectura do Pregón, que este ano correrá a cargo do coñecido chef local, Paco Corral. A partir das 18:30 horas será a quenda para a música coa actuación do Dúo Calú.

Noelia Ocampo. concelleira de Cultura
Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará