Hoxe é Mércores 18 de Maio de 2022
Stations
NOTHING FOUND!
Current listeners: 
Peak listeners: 

Redondela oferta un obradoiro de TikTok para a mocidade

tiktok

A actividade, organizada dende a Concellería de Xuventude, está aberta a mozos e mozas de 12 a 17 anos e terá lugar o 18 de marzo en horario de 16:30 a 19:00 horas na Casa da Cultura. Baixo o título #TIKTOKCONSENTIDIÑO, búscase ofrecer un espazo no que fomentar a creatividade e o reforzamento das habilidades sociais a través das posibilidade que oferta esta rede social.

O obradoiro, propón que, partindo dunha idea ou un tema polémico para a súa idade, os participantes elaboren un vídeo coa ferramenta TIKTOK, podendo optar a premios en función da calidade, contido, orixinalidade e creatividade de cada vídeo. Segundo apuntan diversos estudos, ao realizar este tipo de actividades “axúdase ao cerebro a desenvolver a creatividade, pensar sen límites e expresarse tal e como son”.

Logo dunha introdución sobre Que é tiktok, en termos familiares para as e os participantes, (followers, tendencias, etc.) o obradoiro buscará a participación das mozas e mozos de xeito que se sintan preparados para participar de xeito individual e en equipo nas actividades propostas.

No que fai referencia ao apartado da creatividade, no obradoiro daranse a coñecer as bases do concurso e das regras do xogo. Utilizando a rede social tiktok e un hastag creado con antelación exclusivamente para o obradoiro –#TIKTOKCONSENTIDIÑO– crearanse equipos para realizar videos construtivos, creativos e divertidos escollendo un formato de gravación común para todos os participantes, estableceranse as normas e darase renda solta á creatividades de cada grupo.

Ao longo da actividades, as mozas e mozos aprenderán trucos de composición, de cor, aprenderán a crear planos interesantes e a xogar cos modos de gravación do teléfono, a música, etc. Para outorgar os diferentes premios valorarase de cada traballo a mensaxe/contido baseado nalgún valor, creatividade, orixinalidade na forma de conectar e transmitir a mensaxe, traballo en equipo e cumprimento das normas e tempos.

A alcaldesa Digna Rivas subliña a importancia dunha actividade na que “mozas e mozos vivirán a experiencia de crear contido positivo, baseado en valores e, ao mesmo tempo, realizando unha actividade divertida”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará