Hoxe é Mércores 25 de Maio de 2022
Stations
NOTHING FOUND!
Current listeners: 
Peak listeners: 

Os veciños despiden o mes cun novo corte de tráfico na estrada Amoedo-Os Valos para reclamar o seu arranxo

corte os valos

A Plataforma pola mellora da EP-2702 volvía saír na mañá de hoxe a rúa para protagonizar un corte de tráfico no Alto de Cepeda entre as 9 e as 10:30 horas da mañá. Unha mobilización que se repetiu todos os luns deste mes de xaneiro co obxectivo de denunciar o mal estado desta estrada e o perigo que supón para peóns e condutores. O vindeiro sábado celebran unha asemblea veciñal para informar dos avances dados coa Deputación e acordar novas medidas de presión no caso de que o Concello non acceda ás súas demandas.

Os veciños de Pazos seguen sen ter resposta por parte do Concello cando levan xa cinco luns consecutivos saíndo a rúa para demandar a reforma urxente da estrada que une Amoedo e Os Valos. Unha estrada que conta cun proxecto de mellora por parte da Deputación pero cuxa realización depende da colaboración por parte do Concello e de que o goberno local se comprometa a facer unha achega económica que entenden “é perfectamente asumible por parte da administración local”. Neste sentido, critican o posicionamento do alcalde Andrés Iglesias neste asunto “que en todo momento se negou a colaborar para que a humanización do vial sexa unha realidade, asegurando que non ía poñer un duro cando se trata dunha obra moi necesaria pola elevada intensidade de tráfico que soporta esta estrada e o mal estado no que se atopa”.

Ivan Rodríguez, portavoz da Plataforma
Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará