Hoxe é Mércores 19 de Xaneiro de 2022
Stations
NOTHING FOUND!
Current listeners: 
Peak listeners: 

O SD Pazos, viaxa a Verín máis líder

PazosLider

Logo de seis xornadas o SD Pazos manda na Preferente Sur cunha marxe de cinco puntos. A vitoria no derbi ante o Redondela Maramar sérvelle aos de Fran Amoedo para marcar distancias. Esta fin de semana a liga recupera a primeira xornada, que leva ao SD Pazos a enfrontarse ao Verín en terras ourensás.

O equipo de Pazos, descendido de Terceira administrativamente por negarse a competir a pasada temporada, é un dos claros favoritos para o ascenso. O conxunto que adestra Fran Amoedo está a demostrar que é un candidato firme para gañar o título, e conta por vitorias as seis xornadas disputadas. Con todo, o técnico advirte que na categoría hai moitos equipos “a un gran nivel” e que non poden permitirse relaxarse “porque calquera che pode gañar”.

Fran Amoedo, adestrador do SD Pazos de Borbén

Un dos seus rivais directos é o Redondela Maramar, co que disputaron o derbi a pasada xornada no pavillón da Marisma. O resultado, cun marcador de 1-6 para os de Amoedo, deixa ao Pazos máis líder e ao Redondela no 3º posto, cinco puntos por baixo, e empatado con Baíña, As Neves e Marín Futsal. O técnico recoñece que o resultado é “algo avultado” para o que se viu no terreo de xogo, e lamenta a lesión do porteiro redondelán Naka, ao que desexa unha pronta recuperación.

Amoedo recoñece que o resultado do derbi é “algo avultado” e desexa a Naka unha pronta recuperación

Esta fin de semana a xornada de descanso na liga permitirá recuperar os partidos aprazados no comezo da temporada polo atraso no comezo da competición. Este sábado xogarase a primeira xornada. O SD Pazos desprázase a terras ourensás para medirse ao Verín Cigarrón. Farán a viaxe con algunhas baixas no equipo titular, que suplirán con xogadores do filial e o xuvenil.

O sábado viaxan a Verín para disputar o partido aprazado da primeira xornada de liga

A cita será ás 20.00 horas no pavillón municipal de Verín. O mesmo día e á mesma hora o Arealonga recibe en Chapela ao Teis. O Redondela Maramar xogará ás 16.45 na pista da Quinta de Tui.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *