Hoxe é Venres 28 de Xaneiro de 2022
Stations
NOTHING FOUND!
Current listeners: 
Peak listeners: 

Xornada negra para o balonmán

SARunion

Todos os equipos locais de categoría nacional sufriron derrotas

División de Honra Prata

SAR Rodavigo 26-29 U. Financiera

O equipo asturiano levou o partido. O equipo de Vero Posada comezou por detrás no marcador e conseguiu empatar no minuto 13. Logo o partido estivo igualado ara o descanso (14-15). Na segunda parte mantívose a igualdade ata que nos minutos finais unha unha exclusión da SAR permitiu ao conxunto visitante abrir unha fenda de 3 goles que mantiveron ata o final. Complícase a situación do Rodavigo, 12º no táboa. Na próxima xornada visitan o pavillón dun dos equipos máis fortes da liga, o Porriño.

Primeira Nacional Masculina

Lanzarote 31-21 SAR Plastic Omnium

Malia ter feito unha gran primeira parte, o conxunto redondelán regresou de Canarias de baleiro. O traballo de defensa do Gourmet Ampate Lanzarote e o cansazo dos redondeláns, que viaxaron con escasas rotacións, deixaron os puntos na illa. A SAR dominou desde o comezo, con marxes de ata 4 goles, e chegaron ao descanso cunha vantaxe de 2. Logo a situación cambiou, mellorou a defensa local e a fatiga mermou á SAR. Cun parcial de 10-2 para o Lanzarote os locais fixéronse co partido. Na próxima xornada reciben ao Bueu, situado no pozo da táboa.

Saeplast Cañiza 29-26 Rodosa Chapela

Partido moi igualado o disputado na Cañiza, que finalmente se decantou do lado dos locais. O Rodosa Chapela, que fixo o mellor partido da tempada, quedou sen opcións no tramo final. Ao descanso o marcador (12-12) reflectía a igualdade no partido. E no arranque da segunda parte o Rodosa púxose por diante, o que levou aos anfitrións a reforzar a defensa. A partir de aí o partido cambiou e o Saeplast púxose por diante malia o bo partido dos de Chapela, que seguen sen sumar ningún punto. Na próxima xornada reciben ao Galdar, que os acompaña na parte baixa da táboa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará