Hoxe é Martes 7 de Decembro de 2021
Stations
NOTHING FOUND!
Current listeners: 
Peak listeners: 

A patinaxe artística medra en Chapela

PatinaxeArealonga

Con tan só tres anos de vida o Club de Patinaxe Artística Arealonga Chapela é xa un referente en Galicia. O soño de Nerea Estévez para que nenas e nenos puidesen practicar esta disciplina na súa parroquia fíxose realidade. A adestradora, que segue en activo tamén como patinadora, explica que comezaron coas escolas de verán e deportivas, e agora o club está xa consolidado. Estévez agradece o apoio do Concello de Redondela para sacar adiante este proxecto. O club conta hoxe con máis de 100 deportistas desde os 3 anos de idade.

Nerea Estévez tiña como obxectivo que a patinaxe artística formase parte da oferta deportiva de Chapela

O club quere seguir medrando, por iso anima á rapazada de todas as idades a achegarse ao club e probar esta disciplina, “sobre todo aos nenos, que son minoría”

No club animan á rapazada de todas as idades a probar esta disciplina

O elevado número de patinadoras obriga ao club a repartirse polos diferentes pavillóns do municipio para facer os adestramentos. Ademais do González Soto de Chapela, tamén traballan no pavillón do CEIP Porto Cabeiro, no de Reboreda e o da Marisma, en Redondela. E os éxitos están a chegar. No Campionato Galego disputado o pasado mes de setembro o club acadou unha medalla de ouro. Foi para Martina Álvarez, campioa galega na categoría benxamín. Para Nerea estes resultados son froito do esforzo conxunto “de adestradores, familias e patinadoras”. A propia adestradora, que como patinadora compite co CPA Gondomar, coñece ben o traballo e dedicación precisos para chegar ao máis alto. É campioa de España individual e prata mundial na modalidade show, todo un referente para as súas pupilas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *