Hoxe é Xoves 28 de Marzo de 2024
Stations
NOTHING FOUND!
Current listeners: 
Peak listeners: 

Comercio a pé de rúa nos Shopping Days de Redondela

shopping foto

A celebración desta cita comercial e festiva, tras o aprazamento sufrido a fin de semana pasada pola previsión de choiva, será o venres 1 e o sábado 2 de outubro en horario ininterrompido de 10:00-22:00h. Ademais das dez casetas instaladas na rúa Ribeira, os comerciantes sacarán os seus produtos outlet á porta dos seus establecementos con descontos de ata o 70%. Os espectáculos do Festival de Artistas de Rúa animarán estas xornadas comerciais.

Julia Alonso, técnica da Asociación de empresarios fala dos importatnes descontos que imos atopar

Este novo evento comercial, que se está a ver condicionado pola meteoroloxía, é unha oportunidade única para comerciantes e clientela xa que votará a rúa a maior oferta de outlet de todo o ano a prezos únicos. Para os compradores que estean interesados en adquirir produtos outlet recoméndase que apresuren as súas compras a xornada do venres xa que as existencias son limitadas. Poderá atopar todo tipo de produto. moda e complementos, calzado, vehículos de ocasión, decoración… en total 40 comercios que se sumaron a esta iniciativa.

Todo tipo de produtos

Os descontos de nova tempada estarán reservados ao interior dos establecementos comerciais e contará con aforo controlado e horario ampliado para poder realizar as compras de forma segura.

Redondela tamén contará cun espazo feiral ao que se desprazarán un número limitado de establecementos. A rúa Ribeira acollerá este establecementos que contarán con espazo cuberto para a exposición e venda dos seus produtos.

Completarase a xornada coas actividades e actuación itinerantes do Festival de Artistas de Rúa, na tarde do venres coa Compañía Xip Xap ás 17:30 e o espectáculo Pachamama da compañía Troula Animación ás sete. O sábado percorrerán as rúas Inventi teatro coa Tropa do Doutor Milagre ás 17:30 e o circo Krasnobarak as sete.

Espectáculos itinerantes
Shopping Days
Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará