Hoxe é Venres 22 de Outubro de 2021
History
Stations
NOTHING FOUND!

Recuperando os bolos celtas

bolos celtas

A Comunidade de Montes de Amoedo está a recuperar un xogo que en tempos tivo moito seguimento na comarca. Trátase dos Bolos Celtas. O campionato celebra este ano a súa segunda edición cunha cita que terá lugar o domingo 22 de agosto ás 11:00 horas na Carreira de Bolos da Chan. Confían en chegar aos 200 participantes.

O obxectivo deste campionato é recuperar a tradición do xogo dos bolos celtas, unha práctica deportiva que, segundo explican dende a Comunidade de Montes, era algo moi habitual hai 40 anos en Amoedo xa que había varias carreiras onde a xente se xuntaba os domingos para xogar “polo que a actividade conta cun gran significado deportivo pero tamén con moito arraigo social e cultura”.

Miguel Míguez, presidente Comunidade de Montes de Amoedo

Unha modalidade deportiva que tentan recuperar dende hai tres anos, cando a nova directiva chegou a presidencia da Comunidade. Nese momento eran tan so 4 os veciños de Amoedo que o practicaban e todos eles xa de idade avanzada. Neste tempo xa se logrou a participación de xente máis nova, tanto homes como mulleres. Precisamente para animar e dar a coñecer o xogo fixéronse actividades en colaboración co Colexio de Pazos para que os máis cativos tamén se acheguen a este xogo tradicional.

Confía en superar os 200 participantes

O ano pasado organizaron a primeira edición deste campionato logrando a participación de 60 persoas,sobre todo veciños de Amoedo e de Soutomaior. Unha cifra que confían superar este ano e chegar ata os 200 participantes.

Cada vez son máis os que se achegan a este deportes

Será unha xornada na que ademais de xogar aos bolos poderase gozar dun día de convivencia e gastronomía xa que se fixo coincidir a competición coas festas de San Roque. Haberá posibilidade de degustar polbo, paella e bebida no propio recinto no que en todo momento se respectarán as normas sanitarias impostas polo Covid.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *