Hoxe é Sábado 4 de Decembro de 2021
Stations
NOTHING FOUND!
Current listeners: 
Peak listeners: 

O cribado masivo realizado en Soutomaior detecta 5 casos positivos de Covid-19

Cribado anticovid Arcade

Os datos oficiais do Sergas revelan que case un 70% da poboación que estaba chamada a realizar esta proba acudiu ao cribado, realizado a pasada semana no Centro de Saúde de Arcade. Durante os catro días que durou o test realizáronse 1.973 probas, das que só 5 resultaron positivas, o que supón unha incidencia do 0,25%. Ao cribado estaban citadas un total de 2.885 persoas de entre 40 e 79 anos de idade, das que finalmente acudiron 1.973 (68,4%). O alcalde de Soutomaior, Agustín Reguera, valorou moi positivamente a participación no cribado. Agradeceu a todos os veciños “o seu compromiso pola saúde de todos”, e sinalou que “a pesar dos problemas do primeiro día, a participación é realmente boa e demostra a solidariedade da veciñanza”. Reguera sinalou tamén que, tendo 150 casos activos de Covid no municipio, e contando que cada afectado pode ter dous ou tres contactos directos “supón ter varios centos de persoas que están en corentena e que non podían acudir á proba”. Do mesmo xeito, o rexedor valorou a taxa de positividade do cribado como “moi esperanzadora” porque indica que a gran maioría dos casos existentes están detectados “e iso facilita que o número de infeccións activas poida ir descendendo”.

O Sergas inicia cribado masivo para 6.000 veciños de Redondela

O Servizo Galego de Saúde comezou onte a citar a 6.000 veciños asintomáticos de Redondela para acudir ao longo desta semana ao Covid-Auto do hospital Meixoeiro de Vigo e participar nun cribado masivo con test PCR. É o segundo que se realiza á poboación deste municipio, logo do primeiro feito o pasado mes de decembro. A alta incidencia da Covid na localidade, con 215 casos activos segundo datos do Sergas facilitados onte, levou á Consellería a repetir estas probas. Están chamados 3.000 usuarios do PAC de Redondela e outros 3.000 do Centro de Saúde de Chapela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *