Hoxe é Domingo 25 de Outubro de 2020

Á venda as últimas entradas para os espectáculos de rúa do Festival Internacional de Títeres

RR_Noticias

Xa están esgotadas todas as entradas para as funcións de sala, pero aínda é posible facerse con localidades para os espectáculos de rúa, ao prezo simbólico de 1 euro. Quedan poucas, xa se despachou un 80% do aforo dispoñible. A billeteira amplía o horario para poder mercar as últimas entradas tamén polas tardes, hoxe xoves e mañá venres, de 17.00 a 20.00 horas no Multiúsos da Xunqueira, ademais do horario de mañán de 10.00 a 14.00 horas.

Serán os dous últimos días para conseguir os billetes deste XXI Festival Internacional de Títeres de Redondela “Memorial Juanjo Amoedo”, que se celebra do 1 ao 6 de setembro. Durante a semana do festival, para evitar aglomeracións, non se despacharán entradas. As localidades que xa están esgotadas na súa totalidade son as da programación de sala, que este ano traerán a Redondela os espectáculos “Contacreques”, de Eme2; “Error 404”, dos andaluces Ángeles de Trapo; “Ay pera, perita, pera!”, dos madrileños Cazando Gamusinos Teatro; “Pyka”, de Cinema Sticado; “Sombras de Cine”, da arxentina Valeria Guglietti e “A Galiña Azul”, de Tanxarina Títeres. Todos os espazos para o público, tanto na sala como na rúa, estarán preadxudicados e con todas as medidas de control de acceso: máscara obrigatoria, control de temperatura, uso de xel, distanciamento por núcleos familiares, aforos limitados, etc.Os títeres na rúaAdemais da programación teatral e musical, que se complementa con “intervencións de rúa” a cargo de The Turres Band, Os Monifates, Fadunito Street Arts e Troula, a Alameda acollerá o “Museo Carallás”, unha proposta artística urbana na que diferentes artistas plásticos da vila recollen nas súas pinturas o seu sentir e visión do mundo do títere, convertendo o xardín principal da vila nun museo de rúa, na que participarán Beatriz Blanco, Pilar Fernández, Chelo Rielo, Ruth Rodríguez, Kiko Amoedo, Ángel Barros, Suso Ben e Xacobe Fernández. Tamén a exposición de “Os monicreques de Kukas” está a converter Redondela nun escaparate para as súas mellores marionetas, cartaces e elementos escenográficos, cambiando a ubicación da sala de exposición do Multiúsos polos escaparates de 10 comercios do centro da vila.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *