Hoxe é Domingo 17 de Xaneiro de 2021

Pazos cancela a gala do deporte pero mantén os premios aos seus deportistas máis destacados

RR_Noticias

O Concello de Pazos de Borbén non celebrará a tradicional gala do deporte pola pandemia da Covid19 pero fai entrega dos premios a cada veciño de forma individual. A edición deste ano recoñece especialmente o avance do deporte feminino no municipio, con galardóns a Margarita Piñeiro e Vanessa Rodríguez, xogadoras de fútbol e fútbol sala e ao fundador do Club Cruz de Pazos feminino, Jesús Rodríguez Ubeira.

Malia non celebrar a súa gala do deporte por motivos sanitarios, Pazos quere recoñecer igualmente o mérito dos mellores deportistas do municipio durante o pasado ano. Entre os gañadores destacan clásicos como Xian Albariño, novamente campión galego de BTT, e a gran cantidade de premios destinados a recoñecer o traballo das nenas e mulleres deportistas do municipio.
“A edición dos premios deste ano decidimos dedicala a recoñecer o avance do deporte feminino”, explicou o concelleiro de deportes, Fran Amoedo, que indicou que, “cada ano, o deporte feminino crece e mostra diso é a cantidade de mulleres distinguidas en distintas categorías e deportes”.
Como exemplo, o edil destacou a dúas veciñas de Amoedo, Margarita Piñeiro e Vanesa Rodríguez,recoñecidas polos seus méritos deste ano no que consiguieron respectivos ascensos ás ligas nacionais de fútbol sala e fútbol.
Ademais, como é habitual cada edición, escolléronse aos mellores xogadores de cada categoría nos dous principais clubs do municipio, a SD Pazos e o CD Nespereira. Neste apartado destacan os xogadores da categoría biberón, de 4 e 5 anos, da SD Pazos, o único equipo mixto do municipio e que ademais se proclamou campión da súa categoría.
A mención especial deste ano foi para Jesús Rodríguez Ubeira, gran impulsor do deporte feminino no concello como fundador, presidente e adestrador durante tantos anos do club Cruz de Pazos feminino.
En total, o Concello premiou este ano a 35 veciños do municipio polos seus éxitos deportivos ao longo do 2019.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *