Hoxe é Martes 1 de Decembro de 2020

O concello de Redondela acolle a súa primeira voda postcovid

RR_Noticias

Cristina e Francisco realizaron unha pequena cerimonia no interior do consistorio, un acto sinxelo que tiñan previsto celebrar xunto con outros 160 convidados na xornada de mañá, celebración que decidiron pospoñer ao ano que vén ante a incerteza sobre a posibilidade ou non de poder realizar un convite e unha festa tal e como tiñan organizado.

A alcaldesa de Redondela, Digna Rivas, oficiou hoxe a primeira voda celebrada no interior do concello dende a declaración do estado de alarma. Os noivos, a parella formada por Cristina e Francisco, realizaron a sinatura no interior do Consistorio nunha pequena cerimonia que supón un trámite previo a unha celebración maior que teñen previsto realizar o vindeiro ano.
“Tivemos que pospoñer a celebración porque ninguén nos garantía que na data prevista (sábado 4 de xullo) a voda se puidese celebrar tal e como estaba prevista, con máis de 160 invitados” así o explica Francisco, que acudía hoxe ao concello de Redondela a dar el “si, quero” que volverá repetir o vindeiro ano, cando previsiblemente a situación sanitaria xa permita este tipo de eventos. Malia que adiar a celebración e negociar para buscar novas datas non foi doado, preferiron optar por unha nova data e non reducir o número de invitados. E non so o restaurante estaba pechado, a noiva apunta que xa tiña o vestido que terá que agardar no armario ao ano que vén.
Unhas circunstancias estrañas que non lle restou emoción a unha cerimonia íntima no salón de plenos onde non faltou o hidroxel e as máscaras. A voda rematou, como é habitual, coa tradicional tirada de arroz e pétalos ás portas do Concello.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *