Hoxe é Venres 30 de Outubro de 2020

Soutomaior contrata dúas mulleres dentro do plan de inserción para vítimas de violencia machista

RR_Noticias

O alcalde de Soutomaior, Agustín Reguera, acompañado do vicepresidente da Xunta de Galicia, Alfonso Rueda, anunciou esta mañá as dúas novas contratacións que o consistorio realizará a través do plan de inserción laboral para vítimas de violencia de xénero. A finalidade deste plan é contribuír a que estas vítimas poidan alcanzar unha independencia económica que lles facilite unha plena integración social e laboral.

As contratadas incorporaranse ao persoal municipal de Soutomaior e disporán dun contrato dun ano de duración cun horario de xornada completa para “dar un mínimo de estabilidade a estas mulleres e que poidan reconstruír as súas vidas deixando atrás o pesadelo da violencia machista” explicou o alcalde, Agustín Reguera.
Rueda indicou que se trata do programa pioneiro que a Xunta de Galicia puxo en marcha por primeira vez o ano pasado grazas ao Pacto de Estado contra a Violencia de Xénero, e que permite que 38 concellos de toda Galicia contraten a un total de 68 mulleres vítimas de malos tratos.
Por último, o alcalde indicou que as dúas novas traballadoras incorporaranse a postos xerais do consistorio e que non se crearán novos postos ou funcións que se poidan estigmatizar ou que sirvan para sinalar ás vítimas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *