Hoxe é Venres 30 de Outubro de 2020

Soutomaior xestionará as solicitudes do novo bono aluguer para afectados pola COVID-19

RR_Noticias

Os Servizos Sociais do Concello de Soutomaior póñense a disposición dos veciños do municipio para xestionar as solicitudes do novo bono de aluguer para afectados da Covid-19. A axuda financia unha porcentaxe do custo da vivenda ás persoas que se atopen en ERTE, diminución de xornada laboral ou no paro a causa da alarma sanitaria, se esta situación lle supón “vulnerabilidade económica”.

O bono, aprobada pola Xunta de Galicia, financiará unha parte do aluguer da vivenda durante seis meses, e aplícase con carácter retroactivo desde o pasado mes de abril. A solicitude desta axuda deberá realizarse, preferentemente, de maneira telemática. Para facilitar o acceso dos veciños, os Servizos Sociais do Concello de Soutomaior xestionarán as solicitudes de forma presencial a través do rexistro municipal. Explica o alcalde, Agustín Reguera, que a gran maioría dos veciños “non dispoñen de certificados dixitais nin están habituados a realizar estes trámites a través de internet”, polo que este trámite desde Servizos Sociais pode ser “fundamental para moitas familias”, e desde o Concello pretenden facilitarlles o acceso “o máximo posible”. O prazo para solicitar esta axuda finaliza o próximo 30 de setembro. Para facelo de forma presencial os interesados deberán solicitar unha cita previa cos Servizos Sociais municipais, que serán os encargados de proporcionarlles todos os documentos e orientalos para cumprimentar as solicitudes antes da súa presentación no rexistro.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *