Hoxe é Domingo 25 de Outubro de 2020

O PP solicita ao goberno local que envíe por Correos o resto das máscaras de protección

RR_Noticias

O grupo municipal do PP lembra que o pasado mes de abril o Concello comezou a repartir as mascarillas a través dos voluntarios de Protección Civil polas distintas parroquias do municipio, comezando polas de menor a maior poboación. O Viso, Vilar de Infesta e Trasmañó foron as primeiras. O PP redondelán entende que, comezando o próximo luns a Fase I de desescalada, “non se pode demorar máis a entrega das máscaras de protección homologadas aos veciños que faltan”.

Lembran que se trata dun elemento “imprescindible” para a seguridade dos cidadáns cando saian á rúa nas condicions que recomenda o Goberno. Denuncian que o reparto “non se plantexou co tempo suficiente” para que toda a poboación conte con este elemento de seguridade unha iniciado o desconfinamento. O grupo popular solicitou por rexistro ao goberno local “que envíen o resto de mascarillas a través do servizo de Correos, así chegará de xeito máis áxil e rápido a todos os veciños, tendo en conta que quedan por entregar as parroquias con maior número de habitantes como son Redondela e Chapela”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *