Hoxe é Venres 27 de Novembro de 2020

A Policía fala de comportamentos maioritariamente responsables nas saídas con nenos en Redondela

RR_Noticias

A xornada de onte foi o primeiro paso nun desconfinamento que se prevé sexa paulatino. Malia algunhas imaxes sobre supostos incumprimentos na normativa, en Redondela e segundo explican dende a Policía local “non se deu a falta de responsabilidade que se observou noutros lugares”. Con todo, “tampouco servimos de exemplo” polo que fan un chamamento a seguir as indicacións que establecen que os menores vaian acompañados dun único adulto, que non se separen do domicilio máis dun kilómetro e durante unha hora e que respecten a distancia de seguridade.

Concello e Policía Local fan un chamamento á responsabilidade dos maiores “para non tirar pola borda todo o traballo feito ata o de agora” e lembran que “está nas nosas mans avanzar ou retroceder”.
Ao mesmo tempo adiantan que, xa a partir desta semana, as e os axentes da Policía Local incrementarán o control das zonas naturais e paseos autorizados “para vixiar polo cumprimento das condicións establecidas para o paseo dos menores”.
Os axentes seguen ademais realizando controis nas estradas e solicitando os correspondentes permisos que acrediten que os condutores están autorizados a se desprazas. Uns controis que tamén se realizan en horario nocturno.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *