Hoxe é Xoves 22 de Outubro de 2020

Detido en Rande un varón con droga oculta no vehículo

RR_Noticias

Un home de 29 anos de idade era detido tras ser sorprendido ao volante sen contar co permiso de conducir e por transportar no seu interior unha cantidade importante de droga de gran pureza (55 gramos de cocaína) así como cartos en efectivo e outros efectos. Ao detido, un veciño do Porriño, se lle imputa un delito contra a saúde pública e outro contra a seguridade do tráfico.

Os feitos producíanse na mañá de hoxe nun dispositivo de tráfico na rotonda de Rande no que colaboran Policía Local e Nacional. Uns ocntrois que se teñen incrementado principalmente ns entradas e saídas das cidades, así como na zonas industriais, residencias e aquelas zonas máis illadas.
Froito deste control os axentes desplegados hoxe na rotonda da saída da autoestrada en Rande observaron un varón que circulaba no seu automóbil e que ao ver o vehículo policial comezou a actuar de xeito sospeitoso, polo que un dos axentes achegouse a estrada e indicoulle que detivese o vehículo na beiravía.
Ao realizar as primeiras comprobacións descubriron que carecía de permiso de conducir, á vez que outros dous axentes localizaban unha importante cantidade de droga de gran pureza oculta entre as súas pertenzas, así como diverso diñeiro en efectivo e outros efectos.
A droga atopábase en forma de rocha, polo cal aínda non fora fraccionada para a súa venda. Estímase que unha vez realizados os cortes necesarios, esta podería superar amplamente as 300 doses e achegarse aos 8.000 euros no mercado.
Tras proceder á súa detención e traslado a Comisaría, tomóuselle declaración e realizouse unha comprobación das bases de datos, na cal se confirmou que contaba con antecedentes policiais anteriores.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *