Hoxe é Domingo 25 de Outubro de 2020

Cal3 fai viral o seu reto fotográfico e suma máis de dúas mil imaxes do confinamento

RR_Noticias

A cooperativa Cal3 convidaba no inicio do estado de alarma a todos os usuarios de facebook e instagram a subir imaxes tomadas nos seus domicilios e compartilas a través das redes. Cada día propoñían un tema que era convertido en imaxe por centos de persoas. A idea tivo un éxito tal que, malia estar pensada para durar 15 días, prolongouse sete máis ata o pasado luns. Agora xa están pensando en novas propostas para animar o confinamento.

O reto fotográfico Queda na casa, nacía o pasado 17 de marzo, nada máis decretarse o estado de alarma. Unha actividade ideada dende Cal3 para “axudar a levar mellor estes días de confinamento e aproveitar para traballar a nosa creatividade”. Unha proposta que incluía como aliciente a posibilidade de facerse con algún premio como un lote de revelado ou unha ampliación fotográfica. Con todo, enseguida se comprobou que o de menos era o premio. “Dende a miña ventá” foi o primeiro dos temas propostos pero a ese seguíronlle outros moitos. Compartir, doce, alegría, textura, vintage…  e un tras outro foron logrando centos de seguidores que con moita imaxinación lograban dar resposta ao reto proposto, buscando na casa e ideando escenarios que lle acaeran ben ao título elixido nese día. Non desbotan novas iniciativas, tendo en conta que aínda se descoñece cando poderemos saír á rúa, aínda que a súa última proposta foi un vídeo con imaxes recollidas días atrás onde podemos ver unha Redondela deserta que con responsabilidade queda na casa. Sobre o futuro recoñecen estar preocupados “hai moita incerteza do que poida pasar cando regrese unha relativa normalidade, porque non sabemos se os clientes van estar aí”. Recoñecen que a súa situación é especialmente difícil “estes meses son os de maior traballo nun negocio como é o da fotografía e o vídeo” pero insisten “retomaremos o noso traballo con todas as dificultades que se anuncian”.  

Fernando Carreira Cal3
Un reto fotográfico que conseguiu facerse viral
Futuros retos
Están traballando en novas propostas
Preocupación ante un futuro incerto
Estes son os meses de máis traballo que xa dan por perdidos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *