Hoxe é Luns 26 de Outubro de 2020

Paxaretas leva á rúa a abolición da prostitución neste 8M

RR_Noticias

Un tema polémico e sen unanimidade nin tan sequera dentro do propio movemento feminista. Con todo, Paxaretas ten clara a súa postura que pasa pola abolición dunha práctica que entenden atenta contras as mulleres, un argumento que levarán á rúa este domingo cunha acción polo centro da vila a partir do mediodía que rematará cunha concentración ás 13:00 horas na praza da Constitución. Fan un chamamento a cidadanía a unirse a esta mobilización co gallo da celebración do Día da Muller e a participar do resto das actividades que realizan no marco do Marzo Muller.

Un programa que arranca este mesmo xoves cunha chala sobre a Endometriose, os seus síntomas e diagnóstico que correrá a cargo de Iria Villar da asociación QuerEndo, quen falará desta doenza que afecta ao 10% da mulleres. Unha charla que terá lugar na sala de exposicións do Multiúsos o xoves 5 ás 20:00 horas. Xa o domingo, co gallo da conmemoración do 8M teñen preparada unha acción reivindicativa no centro da vila que quere remover conciencias e insistir no debate da abolición da prostitución, postura que defenden dende este colectivo. A continuación concentraranse na praza da Constitución e xa pola tarde convidan a participar tamén na manifestación que percorrerá Vigo con saída ás 18:00 horas dende Vía Norte. Un Día da Muller ao seu entender un tanto descafeinado logo de que non houbera unanimidade á hora de convocar folga nesa xornada como si se fixera en anos anteriores. O Marzo Muller continuará xa o día 12 cunha charla coloquio sobre Maternidades feministas a cargo da Asociación Materfem, na Casa da cultura ás 18:00 horas. O peche do programa chegará o 26 de marzo coa presentación do libro Veleno en familia coa autora Rocío Leira Castro no Multiúsos ás 20:00 horas.  

Actos do Marzo Muller
Un programa que arranca este xoves e inclú unha acción de rúa o domingo
Charlas e presentacións literarias
Actos previstos para o día 12 e 26 de marzo
Lamentan a non convocatoria de folga
Non houbo unanimidade

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *