Hoxe é Xoves 28 de Xaneiro de 2021

Cinco feridos nun accidente múltiple en Redondela con tres coches implicados

RR_Noticias

O sinistro tivo lugar ás 16:00 horas deste domingo na N-550 en Quintela, á altura do tanatorio de Tanamañó. A colisión múltiple, con tres vehículos implicados, un Volvo, un BMW e un Opel, deixaba cinco feridos leves. Debido ao impacto causado, unha mancha de combustible procedente dos vehículos quedou derramada pola estrada sendo necesaria a intervención dos servizos de limpeza.

Unha colisión entre tres vehículos deixaba na tarde deste domingo cinco persoas feridas en Redondela, todas elas de carácter leve. Todo sucedeu sobre as 16:00 horas. Un particular informaba ao 112 Galicia do choque entre dous turismos na N-550, en Quintela, concretamente, na curva pasando o tanatorio. Todos apunta a que un dos vehículos ao chocar co outro, derrapaba levándose por diante a un terceiro vehículo.
Até o lugar desprazáronse o 112 Galicia, os profesionais do Servizo de Urxencias Sanitarias de Galicia-061, e os efectivos de Protección Civil da localidade e os axentes tanto de Tráfico como da Policía Local, encargados de regular a circulación ata que os vehículos non fron retirados da estrada.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *