Hoxe é Luns 18 de Xaneiro de 2021

Descontos de ata o 30% en oitenta comercios de Redondela que se suman ao Black Friday

RR_Noticias

A Asociación de empresarios e o concello coordinan un programa de actividades para este venres que servirá de arranque de Nadal. A compañía Troula Animación será a encargada de guiar o acendido das luces ás 19:00 horas. Co obxecto de promover un maior aforro enerxético as luces permanecerán acendidas unha hora menos, ata o 22 de decembro de 18.00 a 24.00 e do 23 de decembro ao 6 de xaneiro ata a unha da madrugada. Unha iluminación contratada polo Concello á que se suman neste Black Friday os comercios que lucirán unha árbore branca iluminada que se situará nas entradas dos establecementos.

Por primeira vez, o acendido das luces de Nadal faise coincidir en Redondela coa campaña de dinamización comercial celebrada con motivo do Black Friday. O pequeno comercio da Vila considera necesario sumarse a esta promoción globalmente instaurada e considera que ten capacidade competitiva suficiente para ofrecer ao consumidor unha oferta de calidade, con promoción que se realizarán como máximo os días 29 e 30.
Ademais a Asociación fai coincidir a data coa estrea da decoración exterior de Nadal. A proposta deste Nadal é unha elegante árbore branca iluminada que se situará nas entradas dos comercios con escintileos de luz realizados en vinilos. A cor branca será a dominante nesta campaña de nadal que ven acompañada de medidas medioambientais en materia de packaging e como non a campaña de premios que será presentada o vindeiro venres.
En canto ao alumeado promovido dende o concello e co gallo de promove un menor gasto enerxético así como a emisión á atmosfera de monóxido de carbono, as luces apagaranse unha hora antes que o ano pasado. Así, o horario do acendido entre el 29 de novembro e o 22 de Decembro será de 18.00 a 24.00 horas e do 23 de Decembro ao 6 de Xaneiro rematará a unha da mañá en vez das dúas, como sucedía en anos anteriores.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *