Mestra, feminista, solidaria, titiriteira… Marga Maderal Cal falecida en 2016 será galardoada a título póstumo co primeiro premio Ernestina Otero “Loitando pola Igualdade” que concede o colectivo feminista de Redondela. Será no transcurso dun acto aberto que se celebra este venres 15 ás 20:30 horas no Multiúsos da Xunqueira.
Un premio convocado polo colectivo feminista co gallo de recoñecer a mulleres pioneiras e relevantes do concello de Redondela, así como a entidades, colectivos, asociacións, empresas ou centros educativos que fomenten a igualdade real entre homes e mulleres do municipio.
A muller homenaxeada nesta primeira edición do premio será Marga Maderal Cal de quen destacan a súa “vida chea de luz e forza feminista, responsable de marcar tantas xeracións de nenas e nenos na súa profesión como mestra”.
