Hoxe é Martes 20 de Outubro de 2020

Concerto de Antonio Queija para pechar o I Ciclo de piano de Redondela

RR_Noticias

Chega ao seu remate o ciclo de piano organizado polo Concello de Redondela co obxecto de poñer en valor o novo instrumento adquirido polo consistorio así como dar a coñecer a composición pianística galega. Será con dúas citas musicais, a primeira unha master class que Paula Ríos ofrecerá neste venres no Conservatorio Víctor Ureña e xa o sábado, clausurará o programa a actuación do cubano Antonio Queija cun concerto no Multiúsos ás 19:30 horas.

Unha iniciativa que parte dende o Servizo de Normalización Lingúística e que busca dar a coñecer aos grandes compositores da música galega, “non sempre ben coñecidos nin debidamente recoñecidos polo público de Galicia”. Neste sentido, a figura que inaugurará esta primeira edición é Marcial del Adalid, un dos pioneiros na introdución do romanticismo musical en Galicia e no resto de España. Dentro das actividades programadas, este venres 25 de outubro o alumnado do conservatorio poderá gozar dun concerto da pianista Paula Ríos, presentada por Carolina Queipo. Centrará o seu repertorio en Adalid, Bellini, Clara Wieck-Schumann e Fanny Mendelssohn. O sábado e aberto a todo o público que queira achegarse Antonio Queija ofrecerá un concerto ás 19:30 horas. Unha actuación presentada por Margarita Viso na que o cubano de orixe galega,  presentará un repertorio con pezas de Xoán Montes, Pascual Veiga, Baldomir e do propio Adalid.  

Xurxo Martínez Normalización Lingüística
Master class no conservatorio
Concerto de clausura
Antonio Queija actuará no Multiúsos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *