Hoxe é Luns 25 de Xaneiro de 2021

O C.D.Choco volve tropezar

RR_Noticias

O equipo de “Gonza” perdeu en Santa Mariña malia xerar máis ocasións que o Arzúa. Na Primeira Galicia gañou o Arcade ante o Santa Mariña e tamén sumaron importantes vitorias Cesantes e Atl. Vilar na Segunda Galicia. En fútbol sala, empate do Pazos ante o Baíña, na Terceira División, e liderato para o Redondela Maramar na Preferente. No balonmán perderon a SAR de Honra Prata Feminina e o Rodosa Chapela, mentres que a SAR de Autonómica é líder logo de gañar no Porriño.

Terceira División
Choco 1-2 Baíña
O equipo redondelán perdeu ante un Arzúa que chegou a Santa Mariña cunh fútbol práctico e efectivo. Apostou por unha férrea defensa e aproveitou as ocasións a balón parado e as xogadas a contra golpe. O cadro que dirixe Gonza Fernández non foi quen de superar o muro defensivo do Arzúa, que se puxo por diante cun gol Fernando Zanón nos primeiros minutos de xogo. Os redondeláns igualaron cun remate de Aitor Cañedo á saída dun córner. Pero, xa na segunda parte, cando máis presionaban, o pichichi Iker Furtado culminou unha contra para anotar o seu noveno gol da tempada que se traducía no 1-2 no marcador. O Choco tentouno nos compases finais e Comis puido igualar o encontro, pero o disparo marchouse alto. Terceira derrota consecutiva para o Choco, que na próxima xornada visita o campo do Paiosaco, cos anfitrións na metade baixa da táboa.
Choco: Cortegoso; Mario, Yago Vázquez (Alberto Suárez, min. 62), Vitra, Aitor Cañedo (Comis, min. 70); Caloi, Sergio Santos; Yerai Couñago, Tomás Abelleira, Félix; e Adrián Rodríguez (Martín, min. 78).
Arzúa: Israel; Isra, Edgar, Fernando Zanon, Álex Vázquez; Marcos García; Willian (Álex Pérez, min. 71), Álex Ramos (Diego, min. 89), Diego Enjamio, Álvaro (Brais, min. 88); e Iker Furtado.
Goles: 0-1, min. 8: Fernando Zanón; 1-1, min. 35: Aitor Cañedo; 1-2, min. 49: Iker Furtado.
Primeira Galega

Arcade 1-0 Santa Mariña
Un gol de Nico mediada a segunda metade foi suficiente para deixar os tres puntos en Soutomaior, o que fai escalar posicións ao Arcade ata o 10º posto. Na próxima xornada visitan o campo da Guía, un dos equipos fortes do grupo, no 3º posto da táboa.
Segunda Galega

Xil 1-2 Cesantes
O Cesantes tirou proveito da visita ao campo do Xil, cos anfitrións afundidos na táboa. Os redondeláns amplían a distancia cos equipos da parte baixa, e o domingo reciben ao Marín, 5º do grupo.
Atl. Vilar 3-1 Tebra
O Vilar escala ata o 8º posto da táboa logo da vitoria ante o pechacancelas do grupo. O domingo visitarán o campo do Gondomar, 11º clasificado.
Terceira Galicia

Chapela 3-0 Nespereira
Vitoria do Chapela no derbi comarcal disputado no campo de Parada, resultado que mantén ao Nespereira como pechacancelas e único equipo do grupo que aínda non sumou ningún punto. Na próxima xornada o Chapela, que agora é 5º, visita o campo do Lavadores, 2º do grupo, mentres que o Nespereira recibe ao Teis.
Fútbol Sala Terceira División

Baíña 2-2 Pazos de Borbén
Empate para os de Fran Amoedo na súa visita ao Baíña F.S. con goles de Luis e Simón. Un punto que sabe a pouco tras as numerosas ocasións erradas do equipo de Pazos. Na próxima xornada reciben no pavillón de Pazos ao C.D. Lugo Sala, 5º clasificaco.
Preferente Sur
Redondela Maramar 7-1 Quinta Tui
Os de Kiko Davila mantéñense como líderes do grupo logo dunha vitoria por goleada ante a Quinta de Tui, nun encontro que dominaron desde o comezo ata o final.Na próxima xornada visitarán o pavillón do Valadadares Global Mar.
Balona Linense 2-1 Campito
Derrota do Campito nun partido moi disputado, que deixa aos de Chapela no 10º posto da táboa. Na próxima xornada o Campito recibe en Chapela a As Neves, equipo de gran nivel que está no máis alto da táboa, compartindo liderado co Redondela.
Primeira Galicia

Pecheches 4-9 Arealonga Const.Castro
O Arealonga lidera a liga en solitario logo de impoñerse ao Pecheches cunha goleada a domicilio. Na próxima xoranda reciben en Chapela ao Tui Futsal, equipo situado no pozo da táboa.
Primeira Galicia Feminina

Campito Chapela 2-4 Fisgón Futsal B
Na próxima xornada o Campito xoga no pavillón do Tui Valença Futsal
Club Cíos Vigo Mondariz 5-4 Arealonga Const. Castro
Na próxima xornada o Arealonga reciben en Chapela ao Vigo 2015.
Balonmán

División de Honra Prata Feminina

SAR Rodavigo 22-23 Lavadores
Encontro moi igualado o do derbi comarcal disputado en Redondela e que se resolveu nos últimos minutos. As xogadoras de Elisardo Covelo “Chini” foron por diante cunha escasa marxe ata o descanso. Logo as viguesas déronlle a volta ao marcador e impuxéronse cun axustado 22-23 final. Na próxima xornada repiten como anfitrioas, reciben ao Xixón, situado tamén na parte baixa da táboa.
Primeira Nacional

Lalinense 27-22 Rodosa Chapela
As pingueiras do Arena obrigaron a trasladar o partido ao vello pavillón municipal, no que se viviu un duelo bronco por momentos. Tras un arranque equilibrado entre dous conxuntos, a intensidade defensiva dos locais subiu até deixaro ao Chapela sen opcións, con protagonismo tamén do porteiro Ivi, que fixo un gran encontro para o líder do grupo. O Rodosa Chapela, que agora é 7º, recibe na próxima xornada ao Xiria, outro dos aspirantes ao título.
Primeira Autonómica

Porriño 17-26 SAR Plastic Omnium
A SAR lidera o grupo logo dunha cómoda vitoria no Porriño. Na próxima xornada reciben ao Lavadores, que aínda non sumou ningún punto nestas dúas primeiras xornadas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *