Hoxe é Martes 16 de Agosto de 2022
Stations
NOTHING FOUND!
Current listeners: 
Peak listeners: 

O Choco suma e segue

RR_Noticias

O equipo de Gonzalo Fernández está a protagonizar un arranque de liga espectacular con sete puntos en tres partidos coa última vitoria ente o Polvorín. No resto de categorías do fútbol Atl. Vilar e Chapela estrearon temporada con triunfo, mentres que Arcade, Cesantes e Nespereira non foron quen de sumar na primeira xornada.

Terceira División
Choco 3-2 Polvorín
O equipo de “Gonza” sumou o seu segundo triunfo consecutivo á conta do Polvorín, que reaccionou aos dous goles locais e empatou o partido na segunda metade. Pero o sprint final dos redondeláns fixo posible a vitoria e sumar sete puntos nas primeiras tres xornadas de liga. Yeray e Sergio Santos, que anotou nada máis comezar a segunda metade, encarrilaron o partido para os locais. Pero Manu Núñez e Rayco empataron o choque en tan só oito minutos. Foi Félix o que finalmente como salvador co 3-2. Logo ao Choco tocoulle sufrir para defender o resultado en inferioridade numérica pola expulsión de Caloi. E conseguírono grazas ás accións de Cortegoso. O Choco mantense invicto e sobe á terceira posición da táboa. Na próxima xornada visitan o campo do UD Ourense, 6º clasificado.
 
Choco: Cortegoso; Mario, Yago, Aitor Cañedo, Jacobo Lazcano; Yeray, Sergio Santos (Rancaño, min. 78), Caloi, Monchito (Tomás Abelleira, min. 60); Félix (Alberto Suárez, min. 73) e Adrián.
Polvorín: Anxo Fraga; Varo (Matías, min. 67), Jesús, Nico, Martín (Arón, min. 81); Manu Núñez, Vidal, Álex Rei; Morais, Christian (Chiqui, min. 46) e Rayco.
Goles: 1-0, min. 26: Yeray; 2-0, min. 46: Sergio Santos; 2-1, min. 55: Manu Núñez; 2-2, min. 63: Rayco (min. 63); 3-2, min. 69: Félix.
Árbitro: Alcalá Rei (Santiago). Expulsou por dobre amoestación ao xogador do Choco Caloi (min. 86). Amoestou aos locais Yeray, Jacobo Lazcano e Alberto Suárez e ao visitante Nico.
Primeira Autonómica

Arcade 1-2 Umia
Na próxima xornada visitan o campo do Tyde, que gañou na estrea ligueira no campo do Castrelos.
Segunda Galicia

Domaio 2-1 Cesantes
Na próxima xornada xógase o Cesantes-Atl. Faxilde. O rival tamén comezou con derrota ante o Cerponzóns.
Atl. Vilar 1-0 Louro Tameira
Os de Vilar estreáronse con vitoria no campo de San Martiño. O próximo domingo xogará no campo do Ribeira, que tamén comezou con vitoria en Gondomar.
Terceira Galicia

Moledo 0-4 Chapela
O Chapela comeza a liga como líder logo da vitoria no campo das Relfas con goleada. Na próxima xornada estrea temporada na casa ante o Sampaio, que comezou con empate no partido co Apóstol.
San Roque Casablanca 4-2 Nespereira
Na próxima xornada disputarán o primeiro partido de liga na casa ante o Peñasco, que tivo xornada de descanso no arranque de liga.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará