Hoxe é Sábado 28 de Novembro de 2020

Unha experiencia de película na Illa de San Simón

RR_Noticias

O cine centra as actividades do encontro da mocidade en San Simón que organiza a Concellería de Xuventude de Soutomaior. Unha actividade orientada a mozos e mozas de entre 12 e 17 anos de idades que se vai desenvolver do 19 ao 22 de agosto e que leva por nome “Historias na Illa”. Durante catro días e tres noites os participantes farán vida neste espazo e poderán gozar de diferentes actividades vinculadas co cine. O prezo é de 54 euros os empadroados, 145 euros os que non o estean. A inscrición está aberta ata o mércores 17 de xullo na páxina web do Concello. 

En total, o concello de Soutomaior oferta 54 prazas abertas tamén a mozos non residentes na localidade, malia que terán que abonar unha cantidade moi superior pola actividade. Nesta ocasión a temática elixida para este campamento que se desenvolverá na Illa de San Simón estará baseada no cinema cunha particular visión en torno ao Cinema 3.0. As persoas participantes atoparanse durante a súa estancia cun prató de cinema xa que a cinefilia, impregnará todas as actividades e terá presente a historia da Illa poñendo en valor o seu patrimonio material e inmaterial. Entre as propostas que inclúe o programa hai un concurso de interpretación de películas, obradoiros de caracterización, gravación de curtas e xogos como unha Xincana de Cinema, Keysroom scape, o Cinema Trivial ou o Cluedo. A inscrición débese facer en liña a través da páxina web do concello e está aberta dende o pasado 20 de xuño ata este mércores 17 de xullo.  

Sonia Pintos OMIX Soutomaior
Unha proposta para público de 12 a 17 anos
Achegarse á historia da Illa
Os participantes terán a oportunidade de descubrir un espazo con moita historia ás súas costas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *