Hoxe é Mércores 25 de Novembro de 2020

PSOE e AER asinan un pacto de goberno en Redondela

RR_Noticias

A Agrupación de Electores asumirá as concellerías de Cultura e Turismo, Medio Ambiente, Novas Tecnoloxías e Participación Cidadá. A alcaldesa, Digna Rivas, confirma que o pacto é xa unha realidade aínda que non descarta a entrada no goberno do BNG “as conversas cos nacionalistas aínda non están pechadas”. O pleno organizativo celebrarase a finais da vindeira semana, previsiblemente o venres 12.

Logo de semanas de negociacións e conversas, PSOE e AER chegaban este xoves a un acordo que confirma a entrada no goberno da formación asemblearia. Dende AER amosaran dende un primeiro momento a súa disponibilidade a gobernar en coalición cos socialistas, e nas reunións que se veñen celebrando de xeito intermitente dende o pleno de investidura as negociacións ían encamiñadas a determinar as responsabilidades que os tres edís de AER asumirán no goberno que preside a socialistas Digna Rivas.
Finalmente a Agrupación de Electores estará ao fronte dos departamentos de Cultura e Turismo, Medio Ambiente e Novas tecnoloxías, Transparencia e Participación Cidadá. Ocuparán tamén a segunda tenencia de alcaldía.
Malia estar confirmada a entrada no goberno de AER, a convocatoria do pleno organizativo, que debe celebrarse como máximo un mes despois da investidura, aínda non ten data, á espera de que tamén se pechen as conversas co BNG, cuxa presenza neste novo goberno está aínda no aire malia que Rivas sempre amosou a súa disponibilidade a que en Redondela gobernara un tripartito no que estiveran presentes as tres forzas das esquerda, forzas que co seu voto lle deron tamén a alcaldía.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *