Hoxe é Venres 29 de Marzo de 2024
Stations
NOTHING FOUND!
Current listeners: 
Peak listeners: 

Conmoción en Redondela pola morte de tres mozos nun accidente de tráfico en Teis

RR_Noticias

O accidente producíase ás 21:15 horas de onte cando o vehículo no que viaxaban, un Peugeot 206, saíse nunha curva, colidía contra o gardarrail, chocaba violentamente contra un dos piares da ponte de Torres de Padín e acababa envorcando na mediana. Os tres ocupantes da parte traseira do vehículo, dúas mozas e un mozo de entre 17 e 18 anos perdían a vida como consecuencia do impacto. O condutor tivo que ser excarcerado polos bombeiros de Vigo e foi trasladado ao hospital en estado grave. Tan só o copiloto foi quen de saír do vehículo polo seu propio pe.

Tráxico suceso o que se producía a última hora da tarde de onte nun accidente que tiña lugar en Teis pero cuxas vítimas son estudantes no instituto Mediño de Redondela. Tres mozos perdían a vida nese sinistro que deixa tres familias do noso concello completamente destrozadas. Son Sara C.V, Sofía P.H e Bieito L.R., residente en Nespereira pero cuxo pai rexenta unha coñecida tenda de ultramarinos na rúa Pai Crespo.
A xuventude das vítimas e o feito de seren todas elas de familias moi coñecidas na localidade deixan unha vila completamente conmocionada e cuxas mensaxes de pésame espallábanse rapidamente polas redes sociais nada máis coñecerse o suceso.
Queda agora en mans da Garda Civil de tráfico investigar as causas do accidente. Axentes deste corpo así como dos bombeiros do parque de Teis, dos servizos sanitarios do 061 e da Policía Local de Redondela colaboraron onte nas tarefas de rescate que se prolongaron durante dúas horas e media.
 
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará