Reguera é un dos alcaldes que máis tempo leva na provincia logo de que este domingo lograra revalidar a súa maioría absoluta nun axustado escrutinio no que a balanza decantouse polo PP por tan só 43 votos de diferenza co BNG. Un número de papeletas que se traduce en sete concelleiros e, polo tanto, nun novo goberno popular. “Algo estaremos facendo ben cando logramos manter a maioría absoluta malia a tendencia á baixa do PP a nivel xeral”.
Entre sos seus obxectivos para este novo mandato, Reguera márcase a necesidade de mellorar os servizos “para que todos eses veciños que elixiron o noso concello para vivir conten con todas as comodidades que demandan”. Un dos fundamentais é lograr mellorar o centro de saúde “aínda que non sexa a nosa competencia directa si loitaremos por mellorar as condicións nas que se ofrece ese servizo”. Tamén como prioridade apuntan os servizos sociais e programar actividades para a xuventude e os nenos “porque temos un sector da poboación moi nova que debemos atender”.
Un dos alcaldes máis veteranos da provincia
a mellora do centro de saúde de Arcade
