Hoxe é Martes 24 de Novembro de 2020

Espectáculos para toda a familia no Chapela Fest

RR_Noticias

O sábado 27 de abril a parroquia acolle un gran festival de música e baile para todos os públicos. O aparcadoiro da Alameda será o esceario dos concertos de Uxía Lambona e a Banda Molona, o DJ Rodri Vegas, o grupo Broken Peach e o espectáculo de Músicas e Danzas do Mundo coa Banda de Música de Chapela e o grupo de baile Porté. Desde as 20.30 horas ata as 00.30.

O Concello de Redondela organiza o primeiro certame Chapela Fest, un evento con vocación de continuidade que predente dotar á parroquia dun festival “con identidade propia”. O concelleiro de Chapela e tenente de alcalde, Miguel Ángel Álvarez, foi o encargado de abrir a presentación do certame, que vén a ampliar a oferta de lecer da parroquia. A idea do festival naceu da Banda de Música de Chapela, que propuxo a creación dun certame de “músicas e bailes do mundo”. Desa proposta, feita polo director Andrés Álvarez, naceu este festival, como explicaba o alcalde Javier Bas. O rexedor local destacou “a calidade e variedade” dos espectáculos que comezarán co grupo Uxía Lambona e a Banda Molona ás 20.30 horas. Un concerto dirixido ao público infantil e familiar que porá ao público de todas as idades a bailar, cunha actuación moi participativa que o alcalde recomendaba “non perderse”. O grupo achegará aos máis pequenos un repertorio con temas tradicionais galegos reinventados nos que se mesturan estilos musicais que van desde o ska ao hip hop pasando polo rock para que ninguén deixe de bailar, como apuntaba a solista da formación, Laura de Gabriel. Amosábase ademais “moi satisfeita” de abrir este primeiro “Chapela Fest” para público de todas as idades. A festa continuará ás 21.30 horas cunha sesión a cargo do DJ redondelán Rodri Vegas, que seguirá facendo bailar ao público. Músicas e Danzas do Mundo Ás 22:00 horas seguirá o espectáculo “Músicas e Danzas do Mundo”, un recital no que poderemos viaxar a través da cultura musical de países dos diferentes continentes. Tal como explicou o director da banda, Andrés Álvarez, uns 40 artistas estarán no escenario, entre os membros da Banda de Música de Chapela e os bailaríns da Escola Porté. Os bailaríns que acompañarán á banda son Alejandra Teixeira, Rubo, Sheila Loira, María Rial e Luis Vázquez. Teixeira avanzou que se trata dun traballo “moi especial e innovador” co que o público poderá percorrer o mundo sen moverse de Chapela. Esta viaxe musical rematará unha hora máis tarde, sobre as 23.00 horas, cando Rodri Vegas volverá ser o protagonista da noite poñendo a música e a animación. Broken Peach O broche de ouro do Chapela Fest será o concerto das Broken Peach, ás 23.30 horas. Trátase dun dos grupos de moda, famoso polo seu repertorio cargado de grandes éxitos de todos os tempos e estilos, desde o soul ata o rock, pasando polo gospel, funk ou pop. Catro voces femininas que destacan tamén pola súa coidada estética, que leva ao público a diferentes épocas e ambientes. Ao redor das 00.30 horas rematará o festival, logo de catro horas de diversión “para toda a familia”. O obxectivo do Concello é que o Chapela Fest “se consolide” na progración cultural da parroquia. Será ademais a primeira dunha multitude de citas que Redondela acollerá esta primavera, como a Festa dos Maios, a Festa do Choco, ou o Festival Internacional de Títeres.

Miguel Ángel Álvarez concelleiro
O evento predente dotar á parroquia dun festival "con identidade propia".
Andrés Álvarez director da Banda de Música de Chapela
Será un recital no que poderemos viaxar a través da cultura musical de países dos diferentes continentes.
Laura de Gabriel solista de Uxía Lambona e a Banda Molona
O grupo achegará ao público de todas as idades un divertido repertorio para cantar e bailar.
Javier Bas alcalde de Redondela
O obxectivo do Concello é que o Chapela Fest "se consolide" na progración cultural da parroquia.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *