Hoxe é Sábado 31 de Outubro de 2020

UXT denuncia a precariedade laboral do persoal do Concello con 23 vacantes sen cubrir

RR_Noticias

A representación sindical do concello acusa ao alcalde, Javier Bas, de falta de vontade para mudar a situación que está a afectar ao cadro de persoal. Aseguran que dende o goberno néganse a cubrir as baixas médicas, os traslados de persoal ou as xubilacións, “o que obriga ao persoal actual a asumir todas as funcións cando se trata dunha plantilla escasa e mal dimensionada para un concello da envergadura de Redondela”.

A representación sindical de UXT denuncia o que cualifican de “falta de interese do alcalde ante as reiteradas demandas da situación de precariedade que está a vivir o persoal municipal.
Aseguran que a actitude da alcaldía co persoal “tórnase  cada vez máis difícil” xa que a diminución de traballadores nos diferentes departamentos e a falta de vontade para mudar esta situación, non cubrindo as baixas médicas (moitas de longa duración), os traslados do persoal ou as xubilacións, fan que o persoal actual asuma todas as funcións dunha xa escasa plantilla.
Explican neste sentido que o Concello conta, a  día  de  hoxe, con 159  traballadores “un cadro de persoal mal dimensionado para un concello da envergadura de Redondela. A isto hai que engadir que actualmente hai 23 vacantes (13 traballadores de baixa, 4 traslados a outras administracións e 6 policías xubilados). “Son 23 vacantes que non se cobren, malia telo solicitado dende UXT en cada Mesa de negociación, o que repercute tanto na calidade dos servizos prestados á cidadanía como no propio persoal do concello, xa que teñen que asumir as tarefas propias ea carga de traballo adicional derivada desta situación”.
Conclúen afirmando dende o sindicato que “o goberno local ou deixa pasar o tempo facendo oídos xordos ou privatizando algúns servizos malia as protestas do perosal2 e esixen ao alcalde que se tomen medidas de cara a resolver a situación.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *