Hoxe é Mércores 21 de Outubro de 2020

Redondela celebra a Rosalía

RR_Noticias

O Concello celebrará un acto na memoria de Rosalía de Castro co gallo do aniversario da escritora que consistirá na lectura dos seus versos e un concerto a cargo de Son trío. O acto terá lugar o sábado 23 ás 12:00h na alameda que leva o seu nome no centro de Chapela. Tamén dentro desta programación organízase un concerto, enmarcado no Pórtico Sonoro, a cargo do grupo Evoéh o domingo ás 18:00 horas na Igrexa de Vilavella.

Desde 2018, o municipio dispón dun espazo público propio no que poder celebrar os actos na honra da poeta galega, lembrando a súa talla literaria e culta, a súa figura solidaria cos que menos tiñan e tamén a dor ante as inxustizas. Así pois, convócase a todos os veciños e veciñas a este acto homenaxe o vindeiro día 23 de febreiro a partir das 12.00 horas. Na homenaxe leranse versos, farase unha ofrenda floral á autora alí presente por medio da súa esfinxe e posteriormente os asistentes poderán gozar dun concerto a cargo de Son Trío, con composición elaboradas a partir das letras de Rosalía. Tamén, e como xa vendo costume, repartiranse camelias entre os asistentes, a flor que representa a autora galega. Por outra banda, o domingo o grupo Evoéh ofrecerá un concerto ás seis da tarde na Igrexa de Vilavella cun repertorio no que poñen música aos poemas de Rosalía. O concerto está enmarcado no Ciclo Pórtico Sonoro.    

Xurxo Martínez Normalización
Día de Rosalía

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *