Hoxe é Domingo 29 de Novembro de 2020

AER confirma que se presentará ás eleccións pero non desvela os nomes de saída da candidatura

RR_Noticias

A Agrupación de Electores presentarase aos vindeiros comicios municipais polo que abren agora o proceso de recoller as 500 sinaturas que precisan para poder concorrer como unha agrupación. Será a terceira vez que esta formación presente a súa papeleta logo de que así o decidiran en asemblea.

Aseguran que se presentan coa mesma filosofía que en comicios anteriores. Neste sentido comprométense a manter a renovación de concelleiros “tentando renovar a metade de mandato a todos os candidatos que puidesen resultar elixidos” e funcionando como “unha verdadeira organización asemblearia na que as decisión se toman por votación e de xeito mancomunado”.
Aseguran ademais que se comprometen a cumprir a palabra que dean durante a campaña “a primeira vez no 2011 comprometémonos a non apoiar a ningún candidato á alcaldía e no 2015 aseguramos que non entrariamos no goberno con ningunha outra forza política e así se fixo”. Unha posición que permitiu en ambos casos que o PP se mantivera ao fronte da alcaldía ao ser a forza máis votada malia non contar con maioría.
Falta agora coñecer cales serán as persoas que vaian nos postos de saída da lista que AER presente aos vindeiros comicios.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *