Hoxe é Xoves 26 de Novembro de 2020

Rap contra a violencia de xénero

RR_Noticias

Os escolares de Soutomaior participan dunha iniciativa que busca compoñer música rap con letras que falen da violencia de xénero. A iniciativa inclúe un concerto e a creación dun graffiti reivindicativo na entrada o IES Soutomaior o próximo 8 de marzo.

Unha canción, un graffiti ou unha simple rima, todo serve para enviar unha mensaxe clara contra a violencia de xénero. Ese é o obxectivo principal do proxecto que as concelleiras de Xuventude e Igualdade, Noelia Ocampo e Cristina González, presentaron no IES de Soutomaior. Unha iniciativa na que participarán máis de 120 alumnos de secundaria e finalizará o próximo 8 de marzo coa creación dun gran graffiti e un concerto coas cancións dos alumnos.
O proxecto contempla que durante mes e medio os mozos aprendan a compoñer as súas propias letras e melodías musicais, a crear todo tipo de rimas e situar os golpes de voz para resaltar unha mensaxe, todo co obxectivo de empregar o valor reivindicativo da arte e a música moderna como vehículo para difundir a súa mensaxe contra a violencia de xénero.
A iniciativa conta con varias unidades didácticas destinadas a fomentar valores de igualdade entre os alumnos como a destinada a coñecer a obra de varias mulleres artistas e de especial relevancia na arte contemporánea.
A actividade finalizará o Día Internacional da Muller, o próximo 8 de marzo, con dúas actividades. En primeiro lugar os alumnos crearán un gran graffiti colectivo no que representará a súa mensaxe contra a violencia de xénero e co que decorarán os muros do novo instituto. A continuación celebrarase un gran concerto no que os alumnos farán públicas as súas composicións musicais.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *