Hoxe é Sábado 28 de Novembro de 2020

Charla de Carlos L. Bernárdez en torno á obra pictórica de Castelao na Casa da Cultura

RR_Noticias

“A faceta primeira de Castelao, antes de existir un Castelao político ou escritor, foi o Castelao plástico” segundo explica Carlos López Bernárdez, profesor de Lingua e Literatura Galegas, licenciado en historia do arte e encargado de impartir a charla que terá lugar este xoves ás 19:30 horas na Casa da cultura organizada dende o departamento de normalización lingüística. Abordarase a formación e expresión pictórica de Castelao, con especial atención ao cadro “Derradeira leición do mestre”, exposto no Gaiás.

Castelao era un artista coñecido e recoñecido tanto en Galicia como no resto do estado como debuxante, colaborando en diferentes revistas e xornais xa na década do 1910. De feito, segundo explica López Bernárdez “é presentado pola crítica como o creador da nova pintura galega” unha definición que da conta da importancia desta faceta na vida do político galego. Na charla deste xoves repasarase a traxectoria, estilo e desenvolvemento da obra pictórica de Castelao dende o punto de vista formal e temático. Prestarase tamén especial atención a unha das súas obras de gran formato que se que exhibe por primeira vez en Galicia A derradeira leición do mestre. Un óleo que foi pintado en Buenos Aires por Castelao en lembranza do seu amigo e intelectual Alexandre Bóveda, fusilado o 17 de agosto de 1936. Ata o de agora nunca tiña saído do Centro Galicia da capital arxentina. A mostra supón un recoñecemento a unha figura icónica como Castelao e ao papel que xogaron na construción do ensino público os mestres e mestras das tres primeiras décadas do século pasado (1900-1936).  

Carlos López Bernárdez profesor e ensaista
Castelao como artista plástico
Derradeira leición do mestre
Un cadro que se pode ver no Gaias

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *