Hoxe é Luns 26 de Outubro de 2020

C.C.R. Chapela, escola de billar

RR_Noticias

O Círculo Cultural Recreativo de Chapela conta desde hai anos cun club, na modalidade de Billar a Tres Bandas, no que dous equipos compiten a nivel autonómica e estatal. Rogelio Fortes, da directiva do Círculo e membro do equipo, anima aos máis novos a achegarse a esta modalidade deportiva. Explica que require de moita práctica “física e mental”, e que é un deporte atractivo que obriga tamén “a facer cálculos de xeometría”.

Fortes convida ao público de todas as idades a achegarse ás instalacións do C.C.R. de Chapela, onde teñen as portas abertas para calquera que queira iniciarse no billar, e mesmo se ofrece a darlles “clases de iniciación”. Buscan a incorporación de novos compoñentes para o club, que poidan ir dando “o relevo xeracional” aos compoñentes de máis idade. A práctica desta modalidade de Billar a Tres Bandas non está moi extendida, e son poucos os locais que contan con mesas para poder xogar nesta disciplina debido ao seu elevado coste, superior aos 5.000 euros. Ademais, para participar nunha compeción oficial é preciso contar con dúas mesas destas características. No municipio de Redondela o Círculo de Chapela é o único que conta cunhas instalacións destas características. Outra posibilidade de iniciarse no billar de carambola é acudir ao Centro Recreativo Cultural de Redondela, onde poden practicar esta modalidade nunha mesa de dimensións máis reducidas “que resulta perfecta para os rapaces”. Liga Galega e Nacional No club de Chapela acadaron nos últimos anos un alto nivel, cun equipo na Segunda División Nacional, onde participan tamén equipos de Asturias, Castela e Extremadura. Na Liga Galega viviron esta pasada fin de semana unha gran xornada contra os actuais campións, o Billaristas Errantes. Nas dúas primeiras partidas conseguiron unha vitoria e unha derrota, o suspense chegou nunha das partidas de segunda rolda, unha delas perdíana, e estaban obrigados a gañar a outra para arrincar un empate. Ao final o resultado quedou 3 a 5 para o equipo vigués de Billaristas Errantes, que levou os 2 puntos na xeral e arrebatou o liderado ao equipo de Chapela.

Rogelio Fortes membro do equipo.
Fortes convida ao público de todas as idades a achegarse ás instalacións do C.C.R. de Chapelaonde poden iniciarse no deporte do billar.
Mesas de precisión
Poucos os locais dispoñen de mesas para poder xogar á modalidade de Billar a Tres Bandas debido ao seu elevado coste.
Iniciación
Outra posibilidade de iniciarse en Redondela é acudir ao C.R.C. de Redondela onde contan cunha mesa de dimensións máis reducidas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *