Hoxe é Mércores 20 de Xaneiro de 2021

O goberno de Redondela denuncia un “boicot” da Deputación coa paralización de proxectos

RR_Noticias

A tenente de alcalde, Carmen Amoedo, lamenta que o ente provincial “nin fai nin deixa facer”, en relación ao Plan Concellos 2018. O executivo de Bas denuncia que aínda non se resolveron as obras solicitadas “dende hai mais de 5 meses”. Advirten que están paralizados traballos de importancia para a cidadanía como melloras de camiños en varias parroquias, asfaltados e obras de saneamento.

Amoedo explica que o Concello non pode inicar os procedementos de contratación ata recibir as resolucións da Deputación “polo que a este ritmo as obras se demorarán meses”. A edil de Urbanismo lamenta que, mentres outros munipios están a executar as obras, Redondela “segua a esperar”. Sinala que non hai ningún requerimento pendente, e que non o ente provincial non resolve “porque non lle interesa”. Explica que a maioría dos proxectos foron enviados en marzo e abril, polo que entende que houbo tempo “máis que suficiente para revisalos” . Denuncia que nin sequera se resolveron os suministros “que son simples compras” sen proxecto que revisar, como pode ser o caucho para os campos de fútbol ou as canastas para a pista de baloncesto da alameda redondelá. Dende o grupo popular afirman que se trata dunha “traizón” aos redondeláns dende o PSOE, á que engaden o caso do cartón PassVigo “posicionándose con Abel Caballero” ou a peaxe de Rande. Dende o Concello veñen de informar á cidadanía cun anuncio, xa que a demora nos proxectos é algo “alleo á xestión municipal”. Algunhas das cuestións pendentes son obras de saneamento nas rúas Patrimonio, Mouriño, Paparoxa e Rabexa en Chapela, o acondicionamento dos camiños San Pote e Arango en Cedeira, o asfaltado en Cabritas e Saramagos, ou a adquisición de megafonía para os pavillóns municipais, entre outras.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *