Hoxe é Luns 30 de Novembro de 2020

A antiga parcela de Fenosa convértese nun espazo de lecer

RR_Noticias

Tumbonas de pedra, un estanque e zona verde con pérgolas e asentos transformarán este espazo ao carón do río nunha zona de ocio e lecer que lle dará continuidade ao parque infantil e aos xardíns da alameda. Unha obra que están a realizar os alumnos do obradoiro de emprego Redondela “Vila Bela” e que recupera un espazo que permanecía baleiro dende que en maio de 2015 se derrubou o edificio que a empresa eléctrica tiña no centro da vila.

Os vinte alumnos do obradoiro de cantería e agricultura ecolóxica, xardinería e viveiros continúan os traballos de recuperación desta parcela situada ao carón dos xulgados e que suporá a recuperación deste espazo para a cidadanía. Este xoves, o delegado da Xunta en Vigo, Ignacio López-Chaves, acompañado polo xefe territorial da Consellería de Economía, Emprego e Industria, Ignacio Rial, e o alcalde Javier Bas, visitaron as obras. López Chaves destacaba a importancia destes cursos nos que a Xunta investiu preto de 280.000 euros xa que os participantes ademais de formación tamén son contratados durante nove meses ademais de conseguir un certificado de profesionalidade con validez en todo o Estado. O delegado da Xunta lembraba que está aberto, até o próximo 25 de xuño, o prazo de solicitude da nova convocatoria de axudas para os obradoiros duais e para os dirixidos á mocidade.

Delegado da Xunta Ignacio López-Chaves
Chaves fai fincapé na importancia destes obradoiros para atopar emprego

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *