Hoxe é Venres 30 de Outubro de 2020

A directiva da SAR busca relevo

RR_Noticias

O histórico club de balonmán redondelán ten aberto o prazo para presentar candidaturas á súa directiva ata o día 15 deste mes. O actual presidente, Aurelio Krook “Lito”, sinala que sería “moi positivo” para o club contar con xente nova, que achegue outro punto de vista e novas ideas.

Nos últimos tempos téñense incorporado novos membros á directiva que preside Krook, quen afirma sentirse “moi cómodo” traballando con todo o equipo humano que conforma o club. Con todo, o presidente entende que despois de tantos anos é necesario “un relevo”, xente que achegue “novas ideas, outro punto de vista e ilusión”. A situación actual do club é boa, tanto a nivel económico como deportivo. O presidente salienta a excelente temporada do equipo feminino, da División de Honra Prata. As mozas de Elisardo Covelo “Chini” pelexaron ao máis alto nivel e remataron a temporada entre os mellores equipos da liga. Na categoría masculina de Primeira Nacional o equipo redondelán non acadou o obxectivo da permanencia, malia que pelexou “ata o último partido”. Krook sinala que se trata dun equipo “en transición” con xente moi xoven que está aínda collendo experiencia. Con todo, o ascenso do Atl. Novás á categoría Prata e o feito de que o Carballal non acadara subir de categoría, deixan dúas vacantes no grupo. Por experiencia de anos anteiores, a Federación podería ofrecer unha desas prazas á SAR, e desde o club xa están a facer as xestións correspondentes, polo que son “optimistas”. Contas saneadas E no eido económico a situación da SAR é tamén positiva. Á espera de contar cos ingresos pendentes das subvencións concedidas polas diferentes administracións, a SAR remata a temporada “coas contas saneadas”. O club agradece tamén a colaboración privada de empresas como Plastic Omnium, Rodavigo, Sánchez Álvarez, Marodri, Goycar Galicia, TAG Formación, e os locais Mapache e Solera.

Aurelio Krook presidente da SAR
A actual directiva confía en que se presente unha nova candidatura para darlle o relevo.
Éxito na Honra Prata Feminina
Lito destaca o excelente traballo do equipo de Elisardo Covelo "Chini".
Primeira Nacional
No club son optimistas ante a posiblidade de que o equipo masculino conserve a categoría grazas aos arrastres dos ascensos noutros grupos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *