Hoxe é Martes 1 de Decembro de 2020

A terra de San Martiño decidirá o finalista redondelán da Copa Deputación

RR_Noticias

C.D. Choco e Atl. De Vilar disputan esta noite un fermoso derbi na final da fase de Vigo da Copa Deputación de Pontevedra no campo de San Martiño a partir das 21:30 horas. Un partido de “David contra Goliat” no que o modesto equipo de Mon Sanromán se enfronta aos de Marcos Montes, de Terceira División, que buscan o seu cuarto título consecutivo. O gañador medirase na final ao gañador do duelo entre o Estradense e a Agrupación Estudantil que se xoga hoxe ás 21:00 horas.

O técnico do Choco acude a esta final “con moito respecto” polo rival e con 100% de intensidade. Afirma Montes que ese compromiso coa competición provincial levou ao equipo que adestra a chegar unha vez máis á final, xa que no torneo non hai marxe para a relaxación, e moitos equipos de gran nivel teñen ido quedando atrás. Está previsto un magnífico ambiente no campo de parroquia de Vilar, polo que tanto o Choco como os anfitrións animan a todos os afeccionados a asistir a un enfrontamento importante no deportivo, permo tamén cargado de emoción ao tratarse dous clubs redondeláns con moita historia. O técnico do Choco tamén destaca o mérito do Vilar, ao que fai chegar os seus parabéns, logo de ter asinado a súa mellor tempada. Tras acadar o ascenso á Segunda Autonómica gañou a Copa de Terceira Autonómica e agora está a un paso de meterse na final do torneo provincial. De feito, Montes salienta o bo estado de forma do fútbol local, co ascenso tamén do Cesantes a Segunda Autonómica e o pase a Primeira Rexional do Arcade, adestrado tamén polo redondelán Juan Amoedo.

Marcos Montes adestrador do Choco
Montes felicita ao Atl. Vilar pola espléndida temporada nun ano especialmente bo para o fútbol de Redondela e comarca.
Respecto ao rival
Montes recoñece que deben xogar con respecto ao rival e moita intensidade para facerse coa eliminatoria en San Mariño.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *