Hoxe é Mércores 2 de Decembro de 2020

Manifestación en Arcade contra o transvasamento do Río Verdugo

RR_Noticias

A protesta está convocada pola confraría de Arcade e a Xunta de portavoces do Concello e terá lugar as 11:00 horas da mañá do sábado. A marcha saíra do Peirao de Arcade e circulará polas rúas do Peirao, Rosalía de Castro, Roxelio Landeiro e atravesará a Ponte Medieval ata chegar á Xunqueira de Ponte Sampaio. Esta é unha das medidas adoptadas conxuntamente polos representantes do Concello de Soutomaior (PP, BNG e PSOE) e o sector marisqueiro da localidade para deter o transvasamento do río Verdugo ao encoro de Eiras.

Tras a concentración inicial, os participantes partirán ata Pontesampaio lucindo a mensaxe “Soutomaior contra ou transvasamento do Verdugo. En defensa dous bancos marisqueiros”. Unha vez alí, ao redor das 12 da mañá, a patroa maior da confraría de Arcade lerá un manifesto en contra do transvasamento e defendendo o dereito ao traballo dos traballadores e veciños de Arcade.
A manifestación conta co apoio de todos os grupos políticos, que ademais se comprometeron a non portar acenos de partidos como “mostra da unidade de todo Soutomaior, sen cuestións políticas de ningún tipo”, afirmou o alcalde de Soutomaior, Agustín Reguera, que do mesmo xeito que o resto de representantes presentes na reunión, aproveitou para “animar a todos a mobilizarse e defender o noso río e o medio de vida dos nosos veciños”.
Neste sentido, dende o BNG animan á veciñanza a unirse a esta marcha para deter un trasvase que “é un grave atentado ao noso ecosistema e aos nosos bancos marisqueiros”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *