Hoxe é Xoves 29 de Outubro de 2020

Chega a Redondela “Na Butaca”, unha obra sobre o esquecemento

RR_Noticias

A compañía Butacazero presenta no Multiúsos da Xunqueira esta obra que fala dende unha perspectiva poética e optimista de doenzas como a demencia ou o Alzheimer. Unha obra que remata sendo un alegato sobre a vida vivida no presente. A representación será este sábado no Multiusos da Xunqueira ás 20.00 horas.

Ether F.Carrodeguas e Pepa Barreiro son as encargadas de pór en escena esta obra que quere ofrecer unha nova perspectiva, máis positiva e optimista, sobre doenzas tan comúns na actualidade como a demencia ou o Alzheimer. Con texto de Esther Carrodeguas e a interpretación de Pepa Barreiro plásmase situacións relacionadas coa perdida da memoria e as demencias, pero afastándose do dramatismo e apostando por expresar aquilo que senten as persoas que teñen este tipo de patoloxías. A obra enmárcase dentro do ciclo “Outonoteatro” que organiza a Concellería de Cultura. As entradas poden retirarse no Multiusos da Xunqueira a sete euros, tres reducida.

Ether Carrodeguas directora da obra
Unha obra que nos mostra a experiencia dunha persoa con Alzheimer
Perspectiva positiva
A compañía afástase do dramatismo para darnos unha perspectiva optimista destas doenzas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *