Hoxe é Sábado 28 de Novembro de 2020

O Concello de Pazos realoxa a unha familia que perdeu a súa vivenda polo lume

RR_Noticias

A familia, composta por unha parella e un bebé de pouca idade, xa abandonara a casa o domingo pola tarde ante a ameaza dun lume que acabaría cercando e afectando seriamente o inmoble, que perdeu completamente a cuberta e conta con numerosos danos. Dende o concello traballan tamén na reparación doutros danos provocados polos lumes como a fixación de muros que se poidan desprender ou a recuperación do subministro de auga corrente ao centro escolar Curros Enriquez.

A familia cuxa vivenda foi derruída parcialmente polo lume foi realoxada nun hostal de Redondela polos Servizos Sociais do municipio e ofrecéuselle espazo para gardar os seus aveños persoais ata que atopen unha nova vivenda así como vales para adquirir alimentos e produtos básicos. O alcalde de Pazos de Borbén, Andrés Igrexas visitou a vivenda xunto aos técnicos municipais que revisaron a estrutura do inmoble.
Primeiros traballos de recuperación
Unha vez a ameaza do lume pasou e todos os focos déronse por extinguidos, o Concello de Pazos de Borbén traballa na valoración dos danos e iniciou os traballos de recuperación máis urxentes, como restaurar a subministración de auga corrente ao centro escolar Curros Enríquez ou a fixación de muros e elementos danados polo lume que se poidan desprender máis adiante por acción do vento ou a choiva.
Do mesmo xeito, técnicos municipais revisaron os arredores da rede de estradas do municipio para asegurarse que non había resto de árbores que puidesen desprenderse co vento comprometendo a seguridade viaria.  
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *