Hoxe é Sábado 24 de Outubro de 2020

Últimos días para inscribirse no I Campus Multideporte Juan Puertas

RR_Noticias

O Redondela F.S. e o xogador Juan Puertas poñen en marcha esta campus dirixido a rapaces e rapazas que se celebrará en Redondela desde o 4 ata o 8 de setembro. Serán cinco días co deporte como o gran protagonista, para practicar especialidades tan diferentes como o baloncesto, natación, padel, floorball, balonmán e fútbol sala.

O obxectivo deste primeiro campus, como explica o propio Puertas, é potenciar a práctica deportiva fomentando os hábitos de vida saudables, ofrecendo un abanico moi amplo de disciplinas deportivas para que os rapaces experimenten e se divirtan. O xogador redondelán, que militou en equipos como o Gran Canaria, Lobelle ou Leis, agradeceu tamén a colaboración dos clubs deportivos de Redondela, que se implicaron no proxecto e colaboran para que os participantes poidan experimentar diferentes deportes. Ata o de agora contan cuns 40 inscritos, e quedan aínda prazas ata completar un máximo de 50 participantes. O prazo de matrícula está aberto ata mañá mércores, día 30, no Bar Rivas (avda. de Santa Mariña) ou Os Viadutos (rúa Pai Crespo,9). O prezo do campus é de 40 euros, ou 35 no caso de varios irmáns. Os membros do F.S. Redondela tamén gozan dun desconto.

Juan Puertas xogador
Puertas amósase ilusionado co campus no que os nenos poderán practicar deporte e formarse en valores.
Colaboración dos clubs
Puertas agradece a participación doutros clubs de Redondela que levan as súas disciplinas ao campus.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *