Hoxe é Sábado 28 de Novembro de 2020

Música, obradoiros alternativos e actividades para nenos nun Festival en Fornelos

RR_Noticias

Os amantes da música, a natureza e a saúde teñen unha cita do 28 a 30 de xullo en Fornelos de Montes co festival “Presencia y sonido” que organiza a asociación Serhacer. Unha iniciativa dirixida a gozar desta espectacular contorna natural en familia, no que as distintas xeracións compartirán música, danza, talleres de ioga, taichi, risoterapia, conferencias relacionadas coa saúde e o benestar, ademais dun mercadiño de produtos ecolóxicos.

A cita está organizada pola asociación Serhacer, por un colectivo de terapeutas e músicos que elaboraron un amplo programa de actos no que as actividades ao aire libre centran o protagonismo. Ademais os asistentes terán a opción de quedar acampados na zona durante o tres días nun recinto habilitado polo Concello de Fornelos xunto ao río, onde os participantes poderán refrescarse e gozar da contorna. As actividades arrancarán na tarde do venres 28 con obradoiros de risoterapia, a conferencia “O poder da medicina natural” e Ioga. Haberá un obradoiro de danzas do mundo e outro de tambores tibetanos. O sábado e domingo as actividades desenvolveranse ne horario de mañá e arde con propostas vencelladas coa saúde e as terapias alternativas así como un roteiro pola contorna do paseo fluvial. As persoas interesadas en participar poden realizar os seus reservas no teléfono 622093532 ou en www.serhacer.org. O prezo é de 60 eruso os adultos, gratuíto para os nenos menores de 14 anos.  

Pedro Rodríguez Souto Asociación Serhacer
Fálanos das actividades da fin de semana en Fornelos
Todos os públicos
Gratuíto para os nenos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *