Hoxe é Xoves 26 de Novembro de 2020

Condenan as pintadas na estatua da Virxe do Carme na praia de Cesantes

RR_Noticias

“Somos as netas das bruxas que non puidestes matar” e “Relixión=inquisición” son as pintadas que apareceron nas últimas horas na peza escultórica dedicada á Virxe do Carme que dende hai anos se pode ver na praia da Punta. A Comisión de festas do Carme manifestou xa a súa indignación por uns feitos que entenden ofensivos e que supoñen un ataque a “unha sociedade libre, na que cada un pode ter os seus pensamentos, crenzas e conviccións, xa sexan políticas, relixiosas ou de calquera outro tipo”. Malia que nun primeiro momento houbo quen relacionou este acto vandálico coa celebración do Festival Millo Verde a Comisión aclara que a pintada foi feita por algún desaprehensivo na madrugada do luns “cando o festival xa rematara”.

A Comisión de Festas amosou a súa indignación por este feito e apunta que están xa a traballar co Concello para devolver a esta imaxe o seu aspecto orixinal. Cualifican de “personaxes” aos autores da pintada ao que critican “o pouco respecto que amosan polo alleo para facer algo así” e engaden que se alguén lle molestar mirar “unha virxe ou unha cruz, a mala parroquia viñeches a tomar o sol, porque somos pobo mariñeiro e a nosa Virxe do Carme seguirá aí”.
A imaxe foi instalada hai tres anos no espazo que ocupa actualmente. Trátase dun peza escultórica realizada en granito de 2,70 metros de alto e 1,20 de ancho elaborada pola Escola de Canteiros da Deputación.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *